DÜNYA


Polşa Amerikanın F-35 qırıcı təyyarələrinə 2,25 milyard dollar endirim istəyir

Bakı, 13 sentyabr, AZƏRTAC

Polşa 6,5 milyard dollarlıq 32 ədəd F-35 qırıcı təyyarəsini maksimum 4,25 milyard dollara almaq istəyir.

AZƏRTAC xarici KİV-lərə istinadla xəbər verir ki, bu barədə Polşanın Müdafiə naziri Mariuş Blaşak bildirib. Nazir, həmçinin Varşavanın da Belçika kimi F-35 təyyarələrini 4,25 milyard dollara alacağına ümid bəslədiyini qeyd edərək deyib: “Bu, sazişin dəyəri deyil, yalnız maksimum qiymətdir... indi biz Konqresin təsdiqini gözləyirik, bundan sonra qiymət barədə danışıqlara başlayacağıq”.

Polşa “Harpia” proqramı çərçivəsində ABŞ-dan 32 ədəd “F-35 Lightning II” qırıcı təyyarəsi almaq niyyətindədir. Onlar postsovet MiQ-29 təyyarələrini əvəz etməlidir.

Təyyarənin istehsalçısı “Lockheed Martin” kompaniyasının vitse-prezidenti Qreq Ulmerin sözlərinə görə, ilk 12-16 təyyarə 2026-cı ilədək, qalanı isə 2030-cu ilə qədər Polşaya çatdırıla bilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.