DÜNYA


Polşa, Baltikyanı ölkələr və Finlandiya rusiyalı vətəndaşlara sərhədlərini açmaqdan imtina ediblər

Varşava, 25 sentyabr, AZƏRTAC

Polşa səfərbərlikdən yayınan Rusiya vətəndaşlarını qəbul etməyi planlaşdırmır.

AZƏRTAC xəbər verir ki, bu barədə Polşanın xarici işlər naziri Zbiqnev Rau PAP agentliyinı müsahibəsində deyib. Nazir bildirib ki, Rusiyadan Polşanın ərazisinə keçmək istəyən çox sayda insana sərhədləri açmaq həm təhlükəsizlik, həm də əxlaqi nöqteyi-nəzərdən düzgün deyil. Bildirilib ki, hazırda Rusiya vətəndaşları üçün viza verilməsinin dayandırılması və bununla da turist vizasının verilməməsi barədə qərar verilib. Nazir həqiqətən də hərbi əməliyyatlara qarşı olan və etiraz aksiyalarında iştirak etmiş şəxslərin qəbulunu isə istisna etməyib.

Rusiya vətəndaşları sentyabrın 19-dan etibarən Polşaya girişlə yanaşı, bu ölkələrdən keçməklə digər Şengen ölkələrinə səfər etmək imkanından da məhrum ediliblər.

Qeyd edək ki, Baltikyanı ölkələr və Finlandiya da rusiyalı vətəndaşlara sərhədlərini açmaqdan imtina ediblər.

Elgün Niftəli

AZƏRTAC-ın xüsusi müxbiri

Varşava

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.