ELM VƏ TƏHSİL


Polşa universitetlərində təhsil alan xarici tələbələrin sayı artmaqdadır

Lodz, 28 yanvar, AZƏRTAC

Polşanın ali təhsil ocaqlarında xarici tələbələrin sayı artmaqdadır.

AZƏRTAC xəbər verir ki, bu il Polşada təhsil alan xarici tələbələrin sayı 85 minə çatıb. Lodz şəhərində keçirilən “2020-ci ildə Polşadakı xarici tələbələr” mövzulu konfransda çıxış edən “Perspektywy” təhsil fondunun rəhbəri Valdemar Sivinski hesabatında bildirib ki, bu il Mərkəzi Asiyadan, həmçinin Azərbaycandan gələn tələbələrin sayı əhəmiyyətli dərəcədə artıb. Lakin üstünlük ukraynalı və belaruslulardır. Bu ölkələrdən gələn tələbələr Polşa cəmiyyətinə rahat inteqrasiya edirlər.

Hazırda Polşada ümumilikdə 174 ölkədən gənc təhsil alır. Gənclər əsasən Varşava Universiteti və Krakovdakı Yaqellon Universitetini tərcih edirlər. Ən populyar istiqamətlər isə tibb və menecmentdir.

Aygün Əliyeva

AZƏRTAC-ın xüsusi müxbiri

Lodz

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.