İDMAN


Polşalı məşqçi: Azərbaycan Avropa Gənclər Olimpiya Festivalının keçirilməsinə çox yüksək səviyyədə hazırlaşıb

Bakı, 23 iyul, AZƏRTAC

Azərbaycan Avropa Gənclər Olimpiya Festivalının keçirilməsinə çox yüksək səviyyədə hazırlaşıb. Burada hər şey xoşumuza gəlir. İnsanlar çox səmimi və qonaqpərvərdir. Hesab edirəm ki, bu festival Azərbaycan mədəniyyəti ilə tanış olmaq üçün gözəl fürsətdir.

Qızlar arasında basketbol üzrə Polşa yığmasının baş məşqçisi Adam Kubaşçek bu sözləri AZƏRTAC-a müsahibəsində söyləyib.

Polşalı məşqçi daha sonra deyib: “Dünən güclü Macarıstan yığması ilə oyunumuz çox mürəkkəb şəraitdə keçdi. Bu gün Türkiyə yığması üzərində qələbəmiz bizdə belə inam doğurur ki, pley-off mərhələsinə keçə biləcəyik. Turnirdə iştirak edən bütün komandalar keyfiyyətli oyun nümayiş etdirir. Kimin çempion olacağını indidən söyləmək, əlbəttə, çətindir. Lakin birinci günün yekunlarına əsasən belə hesab edirəm ki, Çexiya, Macarıstan və ya Fransa yığmaları qələbəyə real namizədlərdir”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.