İQTİSADİYYAT


Portuqaliya Biznes Assosiasiyası Azərbaycanla əlaqələrin inkişafında maraqlıdır

Lissabon, 16 may AZƏRTAC

Portuqaliya Biznes Assosiasiyası bu ölkənin 5 böyük şirkətinin Azərbaycana səfərini təşkil edib. Onlar Bakıda keçirilən "Caspian Agro" və "WorldFood Azerbaijan" sərgilərində iştirak edərək, işgüzar tərəfdaşlıq imkanlarını nəzərdən keçirəcəklər.

Portuqaliya Biznes Assosiasiyasının beynəlxalq əlaqələr üzrə direktoru Monika Moreyra yerli mətbuata bildirib ki, Portuqaliya və Azərbaycan arasında ticarət əlaqələrinin inkişafı üçün yaxşı potensial var. M. Moreyra iki ölkə arasında ticarət əlaqələrinin inkişaf dinamikasına diqqət çəkib. Qeyd edib ki, 2013-cü ildə 57, 2014-cü ildə isə 77 portuqal şirkəti Azərbaycana məhsul ixrac edib.

Assosiasiyanın təşkilatçılığı ilə baş tutan səfərdə 5 Portuqaliya şirkəti iştirak edir. Bunlardan "Dune Bleu" və "Manuel Maçado Souza" kimi tekstil şirkətləri, "Novarroz" qida məhsulları istehsalçısı, "Sublimerito" konsaltinq və mühəndislik şirkəti, "Tecnobento" qida sənayesi avadanlıqları istehsalçısıdır.

Portuqaliyalı iş adamları, həmçinin 2-ci Azərbaycan -Avropa İttifaqı Biznes Forumunda da iştirak edəcəklər.

Aygün Əliyeva

AZƏRTAC-ın xüsusi müxbiri

Lissabon

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.