DÜNYA


Portuqaliyada iqlim dəyişmələri üzrə dünya ekspertlərinin görüşü keçiriləcək

Lissabon, 25 yanvar, AZƏRTAC

Yanvarın 27-dən fevralın 1-dək Portuqaliyanın Faro şəhərində qlobal iqlim dəyişmələri üzrə 250-dən artıq ekspertin görüşü təşkil olunacaq.

AZƏRTAC xəbər verir ki, BMT-nin İqlim Dəyişmələri üzrə Hökumətlərarası Ekspert Qrupu tərəfindən təşkil olunan iclas Alqarve Universitetində keçiriləcək. Dünyanın 60 ölkəsindən olan ekspertləri birləşdirən qrup iqlim dəyişmələrinin ekosistemə və insan fəaliyyətinə təsiri barədə məruzə hazırlayacaqlar. Bu sistemlərin iqlim dəyişmələrinə uyğunlaşdırılması və iqlimlə bağlı risklərin azaldılması yollarından ötrü imkanları və məhdudlaşdırılması təhlil olunacaq.

Eyni zamanda, ölkələr qlobal istiləşmənin 2 dərəcə Selsidən aşağı saxlamaq və 1,5 dərəcə Selsiyədək azaltmağı qarşısına məqsəd qoyan istixana qazlarının azaldılması barədə Paris Sazişinin hədəflərindən birinə nail olunması istiqamətində irəliləməni dəyərləndirəcəklər.

Dünyanın hər bir yerindən yüzlərlə alimi birləşdirən ekspert qrupunun fəaliyyəti 2007-ci ildə Nobel mükafatına layiq görülüb.

 

Nigar Cəfərli

AZƏRTAC-ın xüsusi müxbiri

Lissabon

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.