DÜNYA


Portuqaliyadakı yanğınlar və quraqlıq bal istehsalına təhlükə yaradır

Lissabon, 8 aprel, AZƏRTAC

Portuqaliyada 2017-ci ildən başlayaraq bal istehsalı ciddi şəkildə azalıb.

AZƏRTAC bu barədə Portuqaliya KİV-lərinə istinadla xəbər verir.

Portuqaliyanın Milli Arıçılar Federasiyası ili pis nəticələrlə yekunlaşdırır. Bununla yanaşı, ölkədə bal istehsalçılarının sayı artıb.

Ekspertlərin fikrincə, buna səbəb iki il bundan əvvəl pətəklikləri məhv edən quraqlıq və yanğınlar, həmçinin Asiya eşşəkarılarının hücumu olub. Arıçıların sözlərinə görə, uzunmüddətli quraqlıq dövrü, istilər və soyuqlar milli arıçılığın effektivliliyinə ciddi təsir göstərir. Əvvəllər hər arı pətəyi orta hesabla 20 kiloqram bal verirdi, indi isə bu, 12 kiloqrama bərabərdir.

Problemlərdən biri də arı koloniyalarını məhv edən Asiya eşşəkarılarıdır. “Asiya eşşəkarılarının yayılmasının qarşısının alınması vacibdir. Əks halda bu, “bütün arıçılıq və ekosistem üçün faciə ola bilər”, - deyə arıçılar bildirir.

Nigar Cəfərli

AZƏRTAC-ın xüsusi müxbiri

Lissabon

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.