ELM VƏ TƏHSİL


Praqa Biznes Məktəbinin və Türkiyənin Atılım universitetinin professorları UNEC-in Qış Məktəbində

Bakı, 8 fevral , AZƏRTAC

Professor-müəllim heyətinin müasir tədris bacarıqlarının təkmilləşdirilməsi üçün UNEC-in Quba Tədris, İdman və İstirahət Kompleksində 89 müəllimin, o cümlədən Zaqatala filialından 7 müəllimin iştirakı ilə “Tələbə nailiyyətlərinin artırılması yönümlü müasir tədris metodları” mövzusunda Qış Məktəbi başlayıb.

UNEC-dən AZƏRTAC-a bildiriblər ki, Qış Məktəbi Praqa Biznes Məktəbinin professoru Vadim Strilkovski və Türkiyənin Atılım Universitetinin rektoru, professor Yıldırım Üçtuğun iştirakı ilə keçirilir.

Təlim müddətində professor V.Strilkovskinin “Elmi məqalələrin yazılması qaydaları”, “Tələbələrin biliyinin qiymətləndirilməsində müasir və motivasiya əsaslı metodlardan istifadə”, “Sərbəst işlərin (tapşırıqların) müəyyən edilməsi və qiymətləndirilməsinin effektiv metodları”, “Tədris prosesində motivasiyanı təmin edən üsullar və onların tətbiqi” və digər mövzularla əlaqədar təqdimatları dinləniləcək.

Professor Yıldırım Üçtuğ isə “Dərsin refleksiya hissəsində istifadə olunan metodlar”, “Auditoriyalarda liderlik və komandalarla işləmə bacarıqlarının tətbiq edilməsi”, “Tələbələrin yaradıcı düşüncəsinə təsir edən metodların istifadəsi: Beyin xəritələri; Skeçlər; Keys (case); Rol oynama; In-basket” və digər mövzular üzrə təqdimatlarla çıxış edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.