DÜNYA


Prezident Əbdülfəttah əs-Sisi: Misir ordusu Körfəz ölkələrini müdafiə etməyə hazırdır

Qahirə, 6 noyabr, AZƏRTAC

Misir Prezidenti Əbdülfəttah əs-Sisi bəyan edib ki, zərurət yaranarsa, Misir ordusu Körfəzdəki Ərəb Dövlətlərinin Əməkdaşlığı Şurasına daxil olan ölkələri müdafiə etməyə hazırdır.

AZƏRTAC xəbər verir ki, Misir dövlətinin başçısı bu fikri bir sıra xarici KİV-lərə müsahibəsində söyləyib.

Prezident deyib: “Əgər Körfəz ölkələri hər hansı dövlət tərəfindən təhdidə və ya birbaşa təhlükəyə məruz qalarsa, bu halda Misir xalqı öz rəhbərliyindən də əvvəl bunu qəbul etməyəcək və öz qardaşlarını müdafiə etmək üçün qüvvə göndərəcək”.

Misir Prezidentinin sözlərinə görə, başqa dövlətlər ərəb ölkələrinin, xüsusən Körfəz ölkələrinin milli təhlükəsizliyinə hörmət etməlidirlər.

Asya Hacızadə

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.