SİYASƏT
Prezident: Azərbaycan koronavirus xəstələrinin müalicəsi sahəsində təcrübəsini bölüşməyə və əməkdaşlığa hazırdır VİDEO
Bakı, 4 may, AZƏRTAC
Pandemiya dönəmində biz bir daha həkimlərimizin peşəkarlığının şahidi olmuşuq.
Azərbaycan koronavirus xəstələrinin müalicəsi sahəsində öz təcrübəsini Qoşulmama Hərəkatının digər üzv dövlətləri ilə bölüşməyə və bu sahədə əməkdaşlığa hazırdır.
AZƏRTAC xəbər verir ki, Prezident İlham Əliyev bu fikirləri Qoşulmama Hərəkatının Təmas Qrupu formatında videokonfrans vasitəsilə keçirilən Zirvə görüşündəki giriş nitqində bildirib. Dövlətimizin başçısı qeyd edib ki, tibb mütəxəssislərinin təcrübə mübadiləsi, virusa qarşı mübarizədə əldə edilmiş təcrübənin, məlumatların, elmi biliklərin bölüşülməsi, ehtiyacı olan ölkələrə yardım göstərilməsi mühüm əhəmiyyət kəsb edir.
Dövlətimizin başçısı Zirvə görüşündəki nitqində Azərbaycanda insanların sağlamlığı və onların sosial müdafiəsinin təmin edilməsi istiqamətində görülən işlər barədə ətraflı məlumat verərək vətəndaşların bunu çox yüksək qiymətləndirdiyini vurğulayıb.