DÜNYA


Prezident Həsən Ruhani: ABŞ-ın Yaxın Şərqdə törətdikləri quldarlıq dövrünü xatırladır

Tehran, 27 noyabr, AZƏRTAC

ABŞ Yaxın Şərqdə yaşayan xalqları öz qulu hesab edir. Rəsmi Vaşinqton “bu regionda yaşayan xalqların başına hansı oyunu istəsəm aça bilərəm” fikrindən əl çəkməlidir.

AZƏRTAC xəbər verir ki, bu sözləri İran Prezidenti Həsən Ruhani Tehranda keçirilən “İslam Birliyi” beynəlxalq konfransında çıxışı zamanı deyib. O bildirib ki, dünya müsəlmanları birliyə nail olsalar Suriyada, Yəməndə, Fələstində, Əfqanıstanda, Pakistanda, İraqda insanların qanının axıdılması dayanar.

Prezident bəyan edib ki, ABŞ-ın Yaxın Şərqdə törətdikləri quldarlıq dövrünü xatırladır. Rəsmi Vaşinqton hamının eyni cür düşünməsini, eyni cür yaşamasını istəyir, dünyaya zorla Amerika dəyərlərini qəbul etdirmək istəyir. Lakin İran bütün xalqların və insanların azad və öz istəklərinə uyğun yaşamasını istəyir. İran bütün region xalqlarını dostu və qardaşı hesab edir.

İran Prezidenti bir daha dünya müsəlmanlarını birliyə və həmrəyliyə çağırıb. O qeyd edib ki, müsəlmanlar birliyə nail olsalar Yaxın Şərqdəki münaqişələrə və günahsız insanların qətlinə son qoyular.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.