İQTİSADİYYAT
Prezident İlham Əliyev: Bizdə yetişdirilən meyvə-tərəvəz orqanikdir və onun xüsusi dadı var
Bakı, 3 avqust, AZƏRTAC
Bizim xüsusiyyətimiz və üstünlüyümüz odur ki, - hər zaman belə olub, bu gün də belədir, - bizdə yetişdirilən meyvə-tərəvəz təbiidir. Yəni, orqanikdir və onun xüsusi dadı var.
AZƏRTAC xəbər verir ki, bu fikirləri Prezident İlham Əliyev “Grand-Agro İnvitro” MMC-nin müəssisəsinin fəaliyyəti ilə tanışlıq və “Azbadam” MMC-nin badam emalı zavodunun açılışında deyib.
Yerli sortlara daha çox üstünlük verilməsinin vacibliyini vurğulayan dövlətimizin başçısı bildirib: “Kəmiyyət dalınca getsək, bizim xüsusi dad verən o meyvələri itirə bilərik. Buna xüsusilə diqqət yetirin. Çünki bizim istər narımız olsun, almamız olsun, pomidorumuz olsun, xurmamız olsun, doğrudan da xüsusi dada malikdir. Biz onu itirməməliyik”.