SİYASƏT
Prezident İlham Əliyevin Ukraynaya işgüzar səfəri bu ölkənin aparıcı KİV-ləri tərəfindən geniş işıqlandırılıb
Kiyev, 15 yanvar, AZƏRTAC
Azərbaycan Prezidenti İlham Əliyevin Ukraynaya işgüzar səfəri bu ölkənin aparıcı KİV-ləri tərəfindən geniş işıqlandırılıb.
AZƏRTAC xəbər verir ki, “Ukrinform”, “RBK-Ukrayna”, UNAN, “İnterfax-Ukrayna” “Gordon”, “Segodnya”, “Obozrevatel”, “Senzor”, “Korrespondent”, “Lb.ua” və digər onlarla informasiya agentliyi və xəbər portallarında, “Ukrayna 24”, “1+1”, “2+2”, “İnter”, “Perşiy UA” və digər telekanallarda Prezident İlham Əliyevin Kiyevdə keçirdiyi görüşlərə dair informasiyalar, reportajlar baş xəbər olub.
Azərbaycan və Ukrayna prezidentlərinin təkbətək görüşü, imzalanan sənədlər, birgə bəyanatda səslənən fikirlər məqalə və reportajların ana xətti olub.
Emil Hüseynli
AZƏRTAC-ın xüsusi müxbiri
Kiyev