DÜNYA


Prezident Rəcəb Tayyib Ərdoğan: 71 yanğından 57-si artıq nəzarət altına alınıb

Ankara, 30 iyul, AZƏRTAC

Türkiyənin fərqli bölgələrində baş verən meşə yanğınlarının səbəbinin öyrənilməsi ilə bağlı araşdırmalar davam edir. Burada hər hansı bir təxribatın olub-olmadığı ciddi şəkildə öyrənilir.

AZƏRTAC xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

Dövlət başçısı diqqətə çatdırıb ki, yanğınların söndürülməsində helikopterlərdən istifadə olunur. Pilotsuz uçan aparatlar vasitəsilə yanğın nöqtələri izlənilir. 71 yanğından 57-si artıq nəzarət altına alınıb. Digər 14 nöqtədə yanğının lokallaşdırılması istiqamətində işlər davam edir.

Türkiyədə yeni növ koronavirus (COVID-19) infeksiyasına qarşı tətbiq olunan kütləvi peyvəndləmə ilə bağlı sualı cavablandıran Rəcəb Tayyib Ərdoğan bildirib ki, hazırda ölkə üzrə tətbiq olunan vaksinlərin sayı 72 milyonu ötüb. Türkiyə bu göstərici ilə pandemiyaya qarşı mübarizədə ön sıralardadır.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.