SİYASƏT


Prezident Rəcəb Tayyib Ərdoğan: İğdırdan Azərbaycana yol çəkəcəyik

Ankara, 23 sentyabr, AZƏRTAC

Hazırda atdığımız addımlar əsasında biz İğdırdan Azərbaycana yol çəkəcəyik. Bura dəmir yolu da daxildir. Bu yolun çəkilməsi çox əhəmiyyətli bir addım olacaq.

AZƏRTAC Anadolu agentliyinə istinadla xəbər verir ki, bu fikirləri Türkiyə Prezidenti Rəcəb Tayyib Ərdoğan Nyu-Yorkda yeni istifadəyə verilən Türk Evindəki açıqlamasında ifadə edib.

Türkiyə-Rusiya münasibətlərinə də geniş yer ayıran dövlət başçısı Rəcəb Tayyib Ərdoğan deyib: “Bizim beştərəfli və yaxud altıtərəfli platforma dediyimiz format var. Hazırda bu məsələ ilə bağlı Paşinyandan müsbət siqnallar gəlir. İndi bu müsbət siqnallarla bərabər, bu məsələdə bəzi addımlar da atacağıq. Yəni bölgəni sülh nöqtəsindən də yaxşı bir mərhələyə gətirmək fürsətini qazanmış olacağıq”.

Prezident Rəcəb Tayyib Ərdoğan əminliklə vurğulayıb ki, sentyabrın sonunda Rusiya Prezidenti Vladimir Putin ilə nəzərdə tutulan görüşdə bu məsələlər gündəmdə olacaq və Türkiyə-Rusiya münasibətləri daha güclü və fərqli bir mərhələyə qədəm qoyacaq.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.