SİYASƏT


Professor Mehmed Seyfəddin: Məzarlıqda gözüyaşlı insanların dərdinin üstünə dərd gətirmək Ermənistanın terrorçu mahiyyətidir

Ankara, 16 oktyabr, AZƏRTAC

Ermənistanın Azərbaycanın dinc əhalisinə qarşı hücumları vandalizm aktıdır. Əslində, təcavüzkar tərəfin humanitar atəşkəs razılaşmasına əməl etməyəcəyi əvvəldən gözlənilirdi. Çünki ortada işğal və işğalçının öz xislətindən geri çəkilməmək istəyi var. Dağlıq Qarabağ probleminin müasir dövrdəki tarixinə nəzər salsaq görərik ki, Ermənistan heç bir halda səmimi olmayıb və bütün hallarda öz təcavüzkar niyyətinə çatmaq üçün şəraitdən bəhrələnməyə çalışıb.

Bu fikirləri AZƏRTAC-a açıqlamasında Ankara Böhran və Siyasi Tədqiqatlar Mərkəzinin rəhbəri, professor Mehmed Seyfəddin Erol ifadə edib.

Münaqişə başlayandan bəri Ermənistan tərəfindən Azərbaycanda dinc əhalinin hədəfə alınması, evlərin yandırılması, kəndlərin viran qoyulması siyasətinin həyata keçirildiyini diqqətə çatdıran professor Mehmed Seyfəddin Erol deyib: “Baş verən bütün bu hadisələrin əsasında Ermənistan rəhbərliyinin və erməni lobbisinin məsuliyyətsiz, təhlükəli niyyətləri dayanır. Saxta “böyük Ermənistan” iddiası erməniləri bu cinayətlərə sövq edir. Sentyabrın 27-nə qədər olduğu kimi, son hərbi gərginlik başlayandan bəri də Ermənistanın Azərbaycanın mülki əhalisini hədəfə alması düşmənin Gəncəyə ballistik raket atması ilə pik həddə çatdı. Tərtərdə dəfn mərasimində iştirak edən gözüyaşlı insanlara artilleriya atəşi açıb dərdlərinin üstünə dərd əlavə etmək müasir dünyanın gözü qarşısında törədilən daha bir müharibə cinayətidir. Beynəlxalq hüquq gec-tez Ermənistanın bu vandalizm hərəkətlərinə ədalətli qiymət verəcəkdir”.

Ermənistanın əsas məqsədinin bu hücumlarla münaqişəyə kənar qüvvələri cəlb etmək olduğunu diqqətə çatdıran professor Mehmed Seyfəddin Erol vurğulayıb ki, əslində, təcavüzkar tərəfin bu mənfur hərəkətləri 1914-1915-ci il hadisələrinə də işıq salır. İndi hamının gözü qarşısında baş verən erməni cinayətləri kimin kim olduğunu aydın göstərir. Sülhsevər dünya ictimaiyyəti Ermənistanın bu yaramaz əməllərinə göz yuma bilməz. Həqiqətin söylənilməsi dünyada ədalətin zəfər çalması deməkdir.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.