DÜNYA


Pusan Beynəlxalq Film Festivalının vaxtı dəyişdirilib

Pekin, 12 sentyabr, AZƏRTAC

Cənubi Koreyanın Pusan şəhərində keçirilməsi nəzərdə tutulan 25-ci beynəlxalq film festivalının vaxtı dəyişdirilib.

AZƏRTAC tədbirin təşkilat komitəsinə istinadla xəbər verir ki, festival əvvəlcə planlaşdırıldığı kimi oktyabrın 7-16-da deyil, 21-30-da keçiriləcək. Beynəlxalq festivalın vaxtının dəyişdirilməsinə səbəb Cənubi Koreyada COVID-19 infeksiyasına yoluxma hallarının çoxalmasıdır.

Təşkilatçılar açılış və bağlanış mərasimləri, film müzakirələri də daxil olmaqla, bütün kütləvi tədbirləri ləğv edib. Bundan başqa, tədbirə xaricdən heç bir qonaq dəvət olunmayacaq. Yalnız seçilmiş filmlər Pusan Kino Mərkəzində nümayiş olunacaq, Asiya film bazarı, festivalın forumu və digər tədbirlər isə onlayn rejimdə keçiriləcək.

Bildirilir ki, əgər ölkədə hazırda davam edən 2-ci dərəcədə sosial məsafə tədbirləri davam edərsə və ya 1-ci dərəcəyə qaldırılarsa, festivalın builki buraxılışının tamamilə ləğv edilməsi də gündəlikdədir.

Qeyd edək ki, Pusan Beynəlxalq Film Festivalı Asiyada ən nüfuzlu kino tədbirlərdən hesab olunur. Festival 1996-cı ildən bəri hər il təşkil olunur. Ötən ilki buraxılışda 85 ölkədən 299 film nümayiş olunmuşdu.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.