Regionların sosial-iqtisadi inkişafına dair Dövlət proqramına uyğun olaraq, Qəbələ rayonunda yeni məktəb binalarının tikintisi planlaşdırılmışdır.

AZƏRTAC-ın müxbiri xəbər verir ki, rayon təhsil şöbəsi tərəfindən Nohurqışlaqda 480 yerlik, Qəmərvanda 320 yerlik, Yenikənddə 480 yerlik məktəb binalarının tikintisinin layihə-smeta sənədləri hazırlanmışdır. İşin başlanması üçün Təhsil Nazirliyinin elan etdiyi müsabiqələrin nəticələri gözlənilir. Tikintilərdə yerli işçi qüvvələrindən istifadə nəzərdə tutulmuşdur. Bu, rayonun bir qrup sakininin müvəqqəti işlə təmin olunmasına imkan yaradacaqdır.