QƏBƏLƏNİN TURİZM İMKANLARI ÖYRƏNİLİR

İsveçin və Azərbaycanın qeyri-hökumət təşkilatları Qəbələ rayonunda turizmin inkişafı üçün potensial imkanları öyrənmiş, birgə layihələr hazırlamışlar. Ərazidə sanatoriya-kurort obyektlərinin tikintisi, turizm və ekskursiya şöbəsinin yaradılması məqsədi ilə müvafiq dövlət strukturlarına və beynəlxalq təşkilatlara təkliflər verilmişdir.

Bu diyarın nadir təbii gözəlliklərini, zəngin tarixi abidələrini əks etdirən “Qəbələyə - füsunkar diyara xoş gəlmisiniz” bukletinin Azərbaycan və ingilis dillərində çap olunmuş ilk nüsxələri həmin xeyirxah missiyanın təşəbbüsçülərinə təqdim edilmişdir.