AZƏRTAC xəbər verir ki, gərgin və mötəbər yarışlar ərəfəsində olan qadınlardan ibarət yığma voleybol komandamız biraylıq fasilədən sonra yenidən təlim-məşqlərə başlamışdır.

Bu məqsədlə artıq Türkiyədə olan baş məşqçi Faiq Qarayevin yetirmələri burada on gün ərzində təlim-məşqlərdə iştirak etməklə yanaşı, yerli klublarla bir neçə yoldaşlıq görüşündə də güclərini sınayacaqlar.

Voleybolçularımızın iştirak edəcəyi ilk rəsmi yarış may ayında Moskvada Boris Yeltsinin şərəfinə keçiriləcək ənənəvi beynəlxalq turnir olacaqdır. Komandamız ötən il bu yarışın bürünc medalına sahib olmuşdu.