QAFQAZ MÜSƏLMANLARI İDARƏSİNDƏ GÖRÜŞ

AZƏRTAC xəbər verir ki, Qafqaz Müsəlmanları İdarəsinin sədri şeyxülislam hacı Allahşükür Paşazadə Vatikan Dövlətinin Azərbaycandakı apostol nunsisi Klaudio Qucerotti və Ukrayna Katolik Universitetinin rektoru Boris Qudzyak ilə görüşmüşdür.

Şeyxülislam ölkədə dini vəziyyət, Qafqaz Müsəlmanları İdarəsinin fəaliyyəti, bir çox ölkələrin dini rəhbərlərinin iştirakı ilə keçiriləcək beynəlxalq konfrans barədə qısa məlumat vermişdir.

K.Qucerotti ölkəmizdə dini vəziyyətin misilsizliyini, müxtəlif konfessiyaların dinc yanaşı yaşadığını vurğulamış və bildirmişdir ki, hazırda belə vəziyyət dünyada nadir hallarda müşahidə olunur. O, 2004-cü ildə başlanmış dini dialoqu davam etdirmək üçün şeyxülislamın Vatikana yenidən gəlməsini arzulamışdır.

Boris Qudzyak Bakı haqqında təəssüratını bölüşərək, xalqımızın qonaqpərvərliyini və mehribanlığını vurğulamışdır. O, A.Paşazadəni Ukrayna Katolik Universitetində Azərbaycanda din xadimlərinin və müxtəlif konfessiyalardan olan dindarların qarşılıqlı fəaliyyəti barədə mühazirələr oxumağa dəvət etmişdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.