“Qərbi Abşeron” dəniz yatağında 56 nömrəli yeni istismar quyusunda qazma işləri başa çatmaq üzrədir. Qazmanı Kompleks Geoloji Kəşfiyyat və Topoqrafiya İdarəsinin briqadası həyata keçirir.

Azərbaycan Dövlət Neft Şirkətinin neft və qaz hasilatı şöbəsindən AZƏRTAC-ın müxbirinə bildirmişlər ki, yataqda zəngin neft ehtiyatı vardır. Layihə dərinliyi 750 metr olan yeni quyunun artıq 692 metri qazılmışdır. İndi burada vışkaquraşdıranlar hazırlıq işləri görürlər.