REGİONLAR
QAXDA “AQROLİZİNQ”İN YERLİ NÜMAYƏNDƏLİYİ AÇILMIŞDIR
AZƏRTAC xəbər verir ki, Qax rayonunun Dəymədağlı kəndində “Aqrolizinq” Açıq Səhmdar Cəmiyyəti Şəki Regional Bazasının yerli nümayəndəliyi fəaliyyətə başlamışdır. Nümayəndəlik hüquqi və fiziki şəxslərə lizinq yolu ilə müxtəlif növ kənd təsərrüfatı texnikasının, habelə gübrələrin verilməsi və ya satışını təşkil edəcəkdir.
Rayon icra hakimiyyətindən verilən məlumata görə, bu məqsədlə nümayəndəliyə 9 ədəd kombayn, traktor, kotan, toxumsəpən və otbiçən aqreqat, habelə kənd təsərrüfatı məhsulları istehsalının artırılmasına kömək məqsədi ilə 220 ton fosfor və 62 ton azot gübrələri gətirilmişdir. Fermerlər yeni xidmət növündən faydalanmaq üçün nümayəndəliyə müraciət etməyə başlamışlar.