CƏMİYYƏT


QHT-lər üçün “Layihələrin idarə olunması və hesabatlıq” mövzusunda təlim keçirilib

Bakı, 19 iyul, AZƏRTAC

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının təşəbbüsü ilə iyulun 19-da Qeyri-Hökumət Təşkilatları Resurs və Təlim Mərkəzində QHT-lər üçün “Layihələrin idarə olunması və hesabatlıq” mövzusunda təlim keçirilib.

Qurumdan AZƏRTAC-a bildiriblər ki, təlimin açılış sessiyasında çıxış edən Şura Katibliyinin icraçı direktoru Fərasət Qurbanov Sürətli Əlaqələndirmə və Layihələrin İdarəetmə Sistemi (SƏLİS) və ona daxil olan proqramlar barədə ətraflı məlumat verib. O qeyd edib ki, yeni elektron proqramların və xidmətlərin tətbiqi bu sahədə QHT-lərin bilik və bacarıqlarının artırılmasını zəruri edir. QHT-lərdə bu proqramlardan istifadə vərdişlərinin formalaşması üçün Şura silsilə təlimlərə başlayıb. Hazırda layihələrin həyata keçirilməsinin ən məhsuldar dövrü olduğuna görə ilk təlim də məhz e-idarəetmə (layihələrin elektron idarə edilməsi və monitorinqi) proqramından istifadəyə həsr olunub.

Şura Katibliyinin məsləhətçisi Elnur Bağırlı layihələrin elektron idarə edilməsi qaydaları barədə hazırladığı materialları iştirakçılara təqdim edib. Layihə idarəetməsi mərhələli şəkildə proqramdan vizual görüntülər nümayiş etdirməklə QHT-lərə izah olunub.

Katibliyin aparıcı məsləhətçisi Amid Mirzəyev layihə büdcəsinin idarə olunması, maliyyə hesabatının hazırlanması və elektron qaydada təqdim edilməsi barədə iştirakçılara məlumat verib.

İnteraktiv qaydada keçirilən təlim qrup işləri, təqdimatlar və maraqlı müzakirələrlə davam edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.