QUDUZLAŞMIŞ YARASALAR

02.04.2004 [20:54]

AZƏRTAC-ın xarici informasiya agentliklərindən aldığı xəbərə görə, Braziliyada yarasaların hücumu nəticəsində 12 adam həlak olmuşdur.

Braziliya Səhiyyə Nazirliyinin nümayəndəsi bildirmişdir ki, ölənlərin hamısı quduzluq xəstəliyinə tutulmuşdur.

Onun sözlərinə görə, qısa müddət ərzində Amazonka çayının deltasında 300 adam yarasaların hücumuna məruz qalmışdır. Zərərçəkənlərin çoxu quduzluq əleyhinə peyvənd edildiyi üçün tələfat az olmuşdur.

Hazırda yarasaların hücumuna məruz qalaraq, quduzluğa tutulmaqda şübhəli bilinən yeddi adam xəstəxanadadır.

Ətraf mühiti mühafizə təşkilatının məlumatına görə, meşələrdə ağacların kəsilməsi ilə əlaqədar yarasaların məskunlaşdığı ərazilərin xeyli azalması onların təcavüzkarlığına səbəb olmuşdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.