İDMAN


Qadın güləşçimiz Elis Manolova "Tokio-2020" Yay Olimpiya Oyunlarına lisenziya qazanıb

Bakı, 7 may, AZƏRTAC

Qadın güləşçimiz Elis Manolova "Tokio-2020" Yay Olimpiya Oyunlarına lisenziya qazanıb.

AZƏRTAC xəbər verir ki, Bolqarıstanın paytaxtı Sofiyada keçirilən dünya Olimpiya təsnifat turnirində 68 kiloqram çəki dərəcəsində mübarizə aparan güləşçimiz startda Yunanıstan təmsilçisi Aqora Papavasileuya qalib gələrək dörddəbir finala yüksəlib. Təmsilçimizin növbəti rəqibi Argentina idmançısı Klara Vaskes olub. Xalçadan qalib ayrılan E.Manolova turnirin yarımfinal mərhələsinə vəsiqə qazanıb. Qazaxıstanlı Jamilya Bakberqenovadan üstün olan E.Manolova finala yüksəlməklə Olimpiadaya lisenziyanı təmin edib.

Final görüşü mayın 8-də təşkil olunacaq.

Qeyd edək ki, qadın güləşçilərimizdən səkkizqat Avropa çempionu Mariya Stadnik da "Tokio-2020"yə vəsiqəni təmin edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.