İDMAN


Qadın həndbolçulardan ibarət Azərbaycan yığma komandası Gürcüstan komandasına qalib gəlib

Bakı, 22 iyun, AZƏRTAC

Qadın həndbolçulardan ibarət Azərbaycanın yığma komandası hazırlığını davam etdirir.

Hazırlığa Bakıda təşkil olunan təlim-məşq toplanışı ilə start verən həndbolçularımız iyunun 16-dan Gürcüstandadırlar.

Azərbaycan Həndbol Federasiyasının mətbuat xidmətindən AZƏRTAC-a bildiriblər ki, hazırlıq komandamızın baş məşqçisi Slavisa Ristiçeviç və köməkçi məşqçi Fuad Yangildinin rəhbərliyi ilə Tbilisidə keçirilir.

Yığmamız orada Gürcüstan millisi ilə iki yoxlama görüşündə qüvvəsini sınayıb.

İyunun 18-də keçirilən birinci qarşılaşma 28:17 hesabı ilə millimizin xeyrinə başa çatıb.

İki gün sonra təşkil olunan növbəti yoldaşlıq görüşü də Azərbaycan təmsilçisinin üstünlüyü ilə yekunlaşıb - 26:16.

Qeyd edək ki, V İslam Həmrəyliyi Oyunlarına hazırlıq məqsədi daşıyan təlim-məşq toplanışı iyunun 24-də yekunlaşacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.