İDMAN


Qadın voleybolçulardan ibarət Azərbaycan millisinin dünya çempionatında mübarizəsi başa çatıb

Tokio, 11 oktyabr, AZƏRTAC 

Qadın voleybolçulardan ibarət Azərbaycan millisinin Yaponiyada keçirilən dünya çempionatındakı mübarizəsi başa çatıb.

AZƏRTAC xəbər verir ki, komandamız çempionatın ikinci qrup mərhələsindəki sonuncu oyununda Bolqarıstan voleybolçularına 0:3 (19:25, 20:25, 20:25) hesabı ilə məğlub olub. Bu nəticədən sonra ikinci qrup mərhələsində keçirdiyi dörd görüşün hamısında uduzan voleybolçularımız qrupu sonuncu pillədə başa vurublar.

Xatırladaq ki, milli komandamız birinci qrup mərhələsində C qrupunda mübarizə aparıb. Həmin qrupda müvafiq olaraq ilk dördlükdə qərarlaşan ABŞ, Rusiya, Tailand və Azərbaycan yığmaları növbəti mərhələyə yüksəlmişdilər. Koreya Respublikası ilə Trinidad və Tobaqo voleybolçuları isə qrupda qalmışdılar.

Dünya çempionatına oktyabrın 20-də yekun vurulacaq.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.