Qahirədə Fələstin Milli Dialoqu çərçivəsində danışıqlar aparılıb

Qahirə, 8 fevral, AZƏRTAC

Qahirədə Misir Prezidenti Əbdülfəttah əl-Sisinin vasitəçiliyi ilə Fələstin Milli Dialoqu çərçivəsində danışıqlar aparılıb.

AZƏRTAC xəbər verir ki, danışıqlarda Fələstindəki siyasi partiya və ictimai təşkilatların liderləri iştirak ediblər.

Danışıqlardan sonra yayılan mətbuat açıqlamasında bildirilir ki, Fələstində bu ilin mayında parlament və iyulunda isə prezident seçkilərinin keçirilməsi, Prezident Mahmud Abbasın təklif etdiyi həmrəylik platformasının reallaşdırılması əsas müzakirə mövzuları olub.

Xatırladaq ki, Fələstində parlament seçkiləri sonuncu dəfə 2006-cı ildə, prezident seçkiləri isə 2005-ci ildə keçirilib. On beş illik fasilədən sonra bu ölkədə seçki prosesinin bərpası mühüm vəzifə kimi qarşıya qoyulub.

Oqtay Bayramov

AZƏRTAC-ın xüsusi müxbiri

Qahirə