İDMAN


Qahirədə futbolçu Məhəmməd Salahın şəxsi əşyalarının nümayiş olunacağı muzey açılacaq

Qahirə, 10 yanvar, AZƏRTAC

Misir hökuməti Qahirədə futbol üzrə bu ölkənin milli komandasının və İngiltərənin “Liverpul” klubunun yarımmüdafiəçisi Məhəmməd Salahın adını daşıyacaq muzey yaradacaq.

AZƏRTAC yerli KİV-lərə istinadla xəbər verir ki, bu barədə Misirin gənclər və idman naziri Əşrəf Sübhi məlumat verib. Onun sözlərinə görə, muzey Qahirənin qərbindəki Əl-Cəzirə Gənclik Mərkəzində açılacaq. Nazir xüsusi vurğulayıb ki, Məhəmməd Salah futbol üzrə Misir yığmasının və “Liverpul” komandasının uğurlar qazanmasında mühüm rol oynayıb. Hücumçunun 2018-ci ildə Afrika qitəsinin ən yaxşı futbolçusu adına layiq görüldüyünü xatırladan nazir qeyd edib ki, muzeydə Məhəmməd Salahın qazandığı medallar, idman geyimləri, fotoları və digər şəxsi əşyaları sərgilənəcək.

Asya Hacızadə

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.