ELM VƏ TƏHSİL


Qalaktikamızda “qəribə” obyekt kəşf edilib

Bakı, 28 yanvar, AZƏRTAC

Avstraliyalı alimlər “Süd Yolu” qalaktikasında fırlanan “qəribə” obyekt kəşf ediblər.

AZƏRTAC xəbər verir ki, bu barədə AMEA-nın N.Tusi adına Şamaxı Astrofizika Rəsədxanasının saytında məlumat yayımlanıb. Məlumatda bildirilir ki, tədqiqat işi haqqında “Nature” jurnalında elmi məqalə dərc edilib.

İlk dəfə Kartin Universitetinin tələbəsi tərəfindən kəşf edilən obyekt hər 18 dəqiqədən bir 60 saniyə ərzində radio oblastda güclü enerji yayır.

Ekspertlərin sözlərinə görə, siqnal müşahidə zamanı bir neçə saat ərzində yaranır və itirdi. Bu, astronomlar üçün bir az ürküdücü idi, çünki əvvəllər səmada belə bir şey görülməmişdi.

Uzunmüddətli məlumatları təhlil edən tədqiqatçılar müəyyən ediblər ki, obyekt Yerdən təxminən 4 min işıq ili uzaqlıqda yerləşir. O, çox parlaqdır və güclü maqnit sahəsinə malikdir. Fərz edirlər ki, bu obyekt kollaps etmiş ulduzdan qalmış neytron ulduzu və ya ağ cırtdan ola bilər.

Tədqiqatçılar qeyd edirlər ki, sonrakı tədqiqatlar bu obyektin indiyədək görünməmiş yeni nadir və yeganə hal olduğunu və ya yeni növ populyasiya – müşahidə olunan xüsusiyyətlərə malik neytron və ya ağ cırtdan ulduz kəşf edildiyini göstərəcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.