CƏMİYYƏT


Qalxanabənzər vəzinin hormonlarının artması aterosklerozun yaranmasına gətirib çıxarır

Bakı, 14 noyabr, AZƏRTAC

Erazm Universiteti mütəxəssislərinin yeni tədqiqatının nəticələri orqanizmində sərbəst tiroksinin yüksək olduğu yaşlı insanların ateroskleroza və vaxtından əvvəl ölüm riskinə meyilli olduqlarını göstərib.

AZƏRTAC medvesti.com saytına istinadən xəbər verir ki, tədqiqatda orta yaşı 65 olan 9420 pasiyent iştirak edib. Müşahidələr zamanı alimlər tireotrop hormonların və sərbəst tiroksinin miqdarı və onların ateroskleroz, ürəyin işemik xəstəliyi, həmçinin qan damarları sisteminin başqa xəstəliklərinin inkişafına təsiri qiymətləndirilib. Təcrübə prosesində sərbəst tiroksinin miqdarı yüksək olan iştirakçıların orqanizmində koronar arteriyada kalsiumlaşmanın artması aşkar edilib ki, bu da aterosklerozun birbaşa göstəricisidir. Bundan başqa, belə xəstələrdə ateroskleroz vaxtı ağırlaşma 87 faiz, ölüm riski ehtimalı isə 2 dəfə çox müşahidə olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.