CƏMİYYƏT


Qanunsuz balıq ovlayan şəxs cəzalandırılıb

Bakı, 23 sentyabr, AZƏRTAC

Xüsusi mühafizə olunan təbiət ərazilərində ekoloji qanun pozuntularına qarşı mübarizə tədbirləri çərçivəsində Abşeron Milli Parkının və Su Nəqliyyatında Polis İdarəsinin Abşeron xətt polis məntəqəsinin əməkdaşlarının birgə keçirdiyi nəzarət tədbirləri zamanı milli parkın Xəzər dənizi akvatoriyasında qanunsuz balıq ovlayan şəxs saxlanılıb.

Bu barədə AZƏRTAC-a məlumat verən Bioloji Müxtəlifliyin Qorunması Xidmətinin rəis əvəzi Firuddin Əliyev bildirib ki, araşdırma zamanı brakonyerin Türkan qəsəbə sakini Şair Əmrahov olduğu və təbiətə 1023 manat məbləğində ziyan dəydiyi məlum olub. Qanun pozucusu barəsində akt tərtib olunub, ondan istifadəsi qadağan olunan ov alətləri və müxtəlif növ balıqlar götürülüb.

Onun sözlərinə görə, təbiətə dəymiş ziyanın məbləği cinayət tərkibi yaratdığından məsələyə hüquqi qiymət verilməsi və təqsirkar şəxs barəsində qanunamüvafiq tədbirlərin görülməsi üçün hazırda Su Nəqliyyatında Polis İdarəsi tərəfindən istintaq aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.