CƏMİYYƏT


Qanunsuz balıq ovu ilə məşğul olanlar cərimələniblər

Bakı, 22 iyun, AZƏRTAC

Ekologiya və Təbii Sərvətlər Nazirliyinin Su Hövzələrində Bioloji Resursların Artırılması və Mühafizəsi Departamentinin əməkdaşları balıq və digər su bioresurslarının mühafizəsi məqsədilə reyd keçiriblər.

Departamentdən AZƏRTAC-a bildirilib ki, Sumqayıt şəhərinin Corat və H.Z.Tağıyev qəsəbələri istiqamətində keçirilən reydlər zamanı qəsəbə sakinləri Qulu və Elman Ağayevlər, Allahyar Bədəlov qanunsuz balıq ovu edərkən saxlanılıblar. Onlardan 18 kütüm, yeddi nərə balığı və ov alətləri götürülüb. Qanun pozucuları barədə balıq ehtiyatlarına vurulan ziyanla bağlı kütümə görə 594 manat, nərəyə görə isə 1.540 manat məbləğində iddia qaldırılıb.

Mingəçevir su anbarının Xanabad kəndi və Samux rayonu ərazilərində keçirilən reydlər zamanı Mingəçevir şəhər sakinləri Azər Dünyamalı və Ramin Bayramsoy qanunsuz balıq ovu edərkən saxlanılıblar. Qanun pozucularından 45 şamayı balığı götürülərək barələrində ümumilikdə,1.485 manat məbləğində iddia qaldırılıb.

Faktlarla bağlı qanun pozucuları barəsində cərimə qərarlarının çıxarılması və qanunauyğun tədbirlərin görülməsi üçün toplanmış sənədlər hüquq mühafizə orqanlarına göndərilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.