CƏMİYYƏT


Qanunsuz sərnişin daşıyan daha bir sürücü xüsusi karantin postunda saxlanılıb

Bakı, 8 avqust, AZƏRTAC 

Karantin qaydalarını pozaraq Bakı şəhərindən bölgələrə və əks istiqamətdə sərnişinlərin hərəkətinə şərait yaradan daha bir sürücü polis əməkdaşları tərəfindən saxlanılıb.

Daxili İşlər Nazirliyinin mətbuat xidmətindən AZƏRTAC-a bildiriblər ki, bu qanunsuz fəaliyyətlə məşğul olan Lənkəran şəhər sakini V.Səfərov idarə etdiyi “Mercedes” markalı avtomobillə Lənkəran rayon sakinləri olan 3 qadını paytaxt ərazisinə gətirmək istəyən zaman Bakı-Qazax yolunun 65-ci kilometrliyində quraşdırılmış xüsusi karantin postunda polis əməkdaşları tərəfindən saxlanılıb.

Sürücünün Bakı və Sumqayıt şəhər sakinləri olan 3 qadının şəxsiyyət vəsiqələrindən istifadə etməklə Lənkəran rayon sakinləri A.Ağazadənin, N.Abbasovanın və V.Mənsumənin xüsusi karantin postlarından keçməsinə şərait yaratması müəyyən olunub.

Sürücü və sərnişinləri barəsində İnzibati Xətalar Məcəlləsinin 211-ci maddəsi ilə protokol tərtib edilərək aidiyyəti üzrə təhvil veriliblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.