İDMAN


“Qarabağ” - “Holştayn Kiel” oyunu heç-heçə ilə yekunlaşıb

Bakı, 29 iyun, AZƏRTAC

Avstriyada təlim-məşq toplanışında olan Ağdamın “Qarabağ” futbol klubu növbəti yoxlama oyununu keçirib.

AZƏRTAC xəbər verir ki, Ağdam təmsilçisi Almaniyanın “Holştayn Kiel” komandası ilə üz-üzə gəlib. “St. Ulrix” stadionunda keçirilən qarşılaşma 2:2 hesablı heç-heçə ilə yekunlaşıb. “Qarabağ”ın heyətində Ramil Şeydayev dubl edib.

Toplanışın və günün sonuncu matçında komandamızın rəqibi Rumıniyanın “Universitatya Krayova” klubu olacaq. “Yenbax” stadionunda oynanılacaq görüş Bakı vaxtı ilə saat 20:30-da start götürəcək.

“Qarabağ” Avstriyadakı ilk yoxlama oyununda Rumıniyanın “Botoşani” komandasını 4 cavabsız qolla məğlub edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.