REGİONLAR


“Qarabağ inciləri” müsabiqəsinin qalibləri mükafatlandırılıblar

Xırdalan, 4 may, Ətrabə Rzayeva, AZƏRTAC

Abşeron Rayon İcra Hakimiyyəti yanında İctimai Şuranın təşəbbüsü ilə rayon gəncləri arasında keçirilən "Qarabağ inciləri" adlı əl işləri müsabiqəsinin qalibləri mükafatlandırılıblar.

AZƏRTAC xəbər verir ki, müsabiqəyə təqdim olunan 30 əl işinə münsiflər tərəfindən baxış keçirilib. Nəticədə müsabiqənin qalibləri müəyyən edilib. Rayonun Məmmədli kənd tam orta məktəbin şagirdləri Zərifə İsrafilova, Həlilə Əliyeva, Xədicə Mansurzadə, Uşaq Gənclər İnkişaf Mərkəzinin dərnək üzvü İnci Hümbətlinin əl işləri I yerə layiq görülüb.

Xırdalan şəhər 4 nömrəli tam orta məktəbin şagirdləri Fərid Quliyev və Nihad Muradlı, Mehdiabad qəsəbəsi 4 nömrəli tam orta məktəbin şagirdi Gülşən Bəndəliyeva II yerə, Aşağı Güzdək qəsəbəsi tam orta məktəbin şagirdi Validə Qasımzadə və Uşaq Gənclər İnkişaf Mərkəzinin dərnək üzvü Fəridə Əmiraslanova III yerə layiq görülüb.

Rayon rəhbərliyinin də iştirak etdiyi mükafatlandırma mərasimində bütün qaliblərə fəxri fərman və diplomlar təqdim edilib. Digər iştirakçılar isə rayon təhsil şöbəsi tərəfindən sertifikatlar verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.