REGİONLAR


Qarabağ müharibəsi veteranı: Ermənilər yenə də öz xislətlərini göstərdilər

İsmayıllı, 13 oktyabr, AZƏRTAC

Ermənilər yenə də özlərinə xas olan xislətlərini göstərdilər. Humanitar atəşkəs razılaşması ilə onlara son şans verildi. Lakin birinci Qarabağ müharibəsində olduğu kimi, onlar yenə də bundan məkrli niyyətləri üçün istifadə etdilər, atəşkəsi pozdular, gecəyarı, insanların yuxuda olduqları bir vaxtda Azərbaycanın ikinci böyük şəhəri olan və cəbhə xəttindən uzaqda yerləşən Gəncəyə ballistik raket zərbəsi endirdilər. Özü də şəhərin insanların sıx yaşadıqları məhəlləyə. Dinc insanlar - uşaqlar, qadınlar, qocalar öldürüldü və yaralandı.

AZƏRTAC-ın bölgə müxbiri xəbər verir ki, bu sözləri İsmayıllı rayonunun Macatı kəndindən olan birinci Qarabağ müharibəsi veteranı Elman Məmmədov söyləyib.

Vaxtilə iki qardaşı ilə Qarabağda torpaqlarımızın azadlığı uğrunda döyüşən E.Məmmədov deyib: “Bu gün torpaqlarımızın işğalçılardan azad edilməsi uğrunda döyüşlərdə 2 oğlum da iştirak edir. Bununla qürur duyuram. Əminəm ki, əsgərlərimiz torpaqlarımızı tezliklə işğaldan azad edəcək. İşğal olunan şəhər, qəsəbə və kəndlərimizdə tezliklə üçrəngli bayrağımız dalğalanacaq”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.