REGİONLAR


Qarabağ və Şərqi Zəngəzur iqtisadi rayonlarında icra olunan yol layihələri barədə məlumat VİDEO

Bakı, 14 yanvar, AZƏRTAC

Azərbaycan Avtomobil Yolları Dövlət Agentliyi (AAYDA) Qarabağ və Şərqi Zəngəzur iqtisadi rayonları ərazisində icra olunan yol infrastrukturu layihələri barədə 2022-ci yanvarın 10-a olan vəziyyətə görə məlumat açıqlayıb.

Agentliyin İctimaiyyətlə əlaqələr şöbəsindən AZƏRTAC-a verilən məlumata görə, Əhmədbəyli–Füzuli–Şuşa avtomobil yolu üzrə texniki göstəricilər: 81,6 kilometr, I texniki dərəcəli, 6-4 hərəkət zolaqlı.

Görülmüş işlər: 0-17, 23-45, 51-52, 57-65, 71-72, 74-81-ci kilometr hissələrdə torpaq yatağının tikintisi, 1, 27, 34, 37, 50, 62, 79-cu kilometrdə körpülərin, 52, 71, 77, 78, 80-ci kilometrdə tunellərin və 60, 68-ci kilometrdə alt keçidlərin tikintisi aparılır.

Toğanalı–Kəlbəcər–İstisu avtomobil yolu üzrə texniki göstəricilər: Yol – 80,7 kilometr, I-II texniki dərəcəli, 2-3 hərəkət zolaqlı, tunel – 11,6 kilometr.

Görülmüş işlər: 12-13–cü kilometrdə torpaq yatağında qazma işləri, 12,8 kilometr (10x5) və 13,3-cü kilometrdə (6x5) suötürücü boruların inşası aparılır. Murovdağ tunelinin giriş və çıxışında üst yarı qazma işləri toplam 750 metrdir. 12,8-13-cü kilometrdə mövcud kanalların köçürülməsi davam edir. Yolların qış baxımı ilə əlaqədar layihə boyunca qarın təmizlənməsi və duz-qum qarışığının səpilməsi təmin olunur.

Kəlbəcər-Laçın avtomobil yolu üzrə texniki göstəricilər: Yol – 72,3 kilometr, I-II texniki dərəcəli, 2-3 hərəkət zolaqlı, tunel – 9,8 kilometr.

Görülmüş işlər: Mobilizasiya və torpaq işləri həyata keçirilir. Ümumi icra vəziyyəti 2 faiz təşkil edir. Yolların qış baxımı ilə əlaqədar layihə boyunca qarın təmizlənməsi və duz-qum qarışığının səpilməsi təmin edilir.

Kəlbəcər və Laçın rayonları ərazisində yol infrastrukturunun tikintisi üzrə texniki göstəricilər: 726,3 kilometr, IV texniki dərəcəli, 2 hərəkət zolaqlı.

Görülmüş işlər: Torpaq işləri 78 faiz, torpaq yatağının və yol geyimi tikintisi işləri 20 faiz, boruların tikintisi 95 faiz, yol nişanları 82 faiz icra olunub.

Horadiz–Cəbrayıl–Zəngilan–Ağbənd avtomobil yolu üzrə texniki göstəricilər: 123,8 kilometr, I texniki dərəcəli, 4-6 hərəkət zolaqlı.

Görülmüş işlər: 0-23, 35-76, 82-83, 94-95, 101-112-ci kilometr hissələrdə torpaq yatağının tikintisi aparılır. Torpaq işləri 30 faiz, boru və keçidlərin tikintisi 29 faiz, körpülərin tikintisi 27 faiz icra olunub. Ümumi uzunluğu 6 kilometr təşkil edən 3 avtomobil tunelinin inşası işlərinə start verilib.

Xudafərin–Qubadlı-Laçın avtomobil yolu üzrə texniki göstəricilər: 70,4 kilometr, I texniki dərəcəli, 4 hərəkət zolaqlı.

Görülmüş işlər: Qubadlı-Laçın istiqamətində ilk 37 kilometr, Xanlıq istiqamətində 0-1 və 5-14 kilometr hissələrdə torpaq yatağı tikilib, körpülərin tikintisi işləri aparılır, topoqrafik işlər davam etdirilir. Torpaq işləri 34 faiz, yol geyimi 6 faiz, boru və keçidlərin tikintisi 35 faiz, körpülərin tikintisi 27 faiz icra olunub. Ümumi icra vəziyyəti 24 faiz təşkil edir.

Qubadlı-Eyvazlı avtomobil yolu üzrə texniki göstəricilər: 26 kilometr, IV texniki dərəcəli, 2 hərəkət zolaqlı.

Görülmüş işlər: Qubadlı rayonu ərazisində Eyvazlı kəndinə gedən yolda qaya qruntları dağıdılmaqla torpaq yatağının tikintisi işləri aparılır. Ümumi yolun 8–ci kilometrində torpaq yatağının genişləndirilərək normativ enə çatdırılması işləri başa çatıb.

Şükürbəyli-Cəbrayıl-Hadrut avtomobil yolu üzrə texniki göstəricilər: 43 kilometr, I texniki dərəcəli, 4 hərəkət zolaqlı

Görülmüş işlər: Torpaq işləri 55 faiz, yol geyimi 13 faiz, boru və keçidlərin tikintisi 59 faiz, körpülərin tikintisi 53 faiz icra olunub.

Füzuli–Hadrut avtomobil yolu üzrə texniki göstəricilər: 13 kilometr, I texniki dərəcəli, 4 hərəkət zolaqlı.

Görülmüş işlər: Yolun torpaq yatağının tikintisi işləri aparılır. İlk 8 kilometr hissədə torpaq işləri və yol yatağının tikintisi 70 faiz icra olunub.

Hadrut-Tuğ-Azıx avtomobil yolu üzrə texniki göstəricilər: 22 kilometr, IV texniki dərəcəli, 2 hərəkət zolaqlı.

Görülmüş işlər: Layihələndirmə və mobilizasiya işləri aparılır. Paralel olaraq mövcud yol örtüyü frez maşını vasitəsilə profilə salınır, 1,4 kilometrlik hissədə asfalt-beton örtüyün alt layı tikilib, 800 metr hissədə yolun dağılmış hissəsi qazılaraq ərazidən uzaqlaşdırılır və yeni yol əsası inşa edilir.

Bərdə–Ağdam avtomobil yolu üzrə texniki göstəricilər: 45 kilometr, I texniki dərəcəli, 4 hərəkət zolaqlı.

Görülmüş işlər: Torpaq işləri 49,6 faiz, yol geyimi 13,5 faiz, boru və keçidlərin tikintisi işləri 37,8 faiz, körpülərin tikintisi 87,9 faiz icra olunub.

Talış–Tapqaraqoyunlu–Qaşaltı–Naftalan avtomobil yolu üzrə texniki göstəricilər: 22 kilometr, II-IV texniki dərəcəli, 2 hərəkət zolaqlı.

Görülmüş işlər: Yolun ilk 8,5 kilometr və 10-22-ci kilometr hissələrində torpaq işləri yekunlaşıb, suötürücü boruların və yol geyiminin tikintisi işləri davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.