ELM VƏ TƏHSİL


Qarabağ və Şərqi Zəngəzurun coğrafiyası ilə bağlı yeni nəşr çapdan çıxıb

Bakı, 9 avqust, AZƏRTAC

Akademik Həsən Əliyev adına Coğrafiya İnstitutunun yeni nəşri olan “Qarabağ və Şərqi Zəngəzurun coğrafiyası: təbii-coğrafi şərait və sosial-iqtisadi inkişaf potensialı” adlı kitab işıq üzü görüb.

Bu barədə AZƏRTAC-a institutdan məlumat verilib.

Nəşrin baş redaktoru institutun baş direktoru coğrafiya elmləri doktoru Zakir Eminov, elmi redaktorları coğrafiya üzrə fəlsəfə doktorları, dosentlər Mirnuh İsmayılov və Zaur İmranidir.

İnstitut kollektivinin birgə əməyinin nəticəsi olan monoqrafiya 10 fəsildən ibarətdir. Azərbaycanın Qarabağ və Şərqi Zəngəzur ərazisinin coğrafi mövqeyinin təbii şəraitə və sosial-iqtisadi inkişafa təsirini, müasir fiziki və iqtisadi-coğrafi problemlərini, eləcə də tədqiq tarixi və toponimikasını ətraflı işıqlandıran bu əsər fundamental və tətbiqi xarakter daşıyır.

Ərazidə demoqrafik inkişafın əsas meyilləri və regional xüsusiyyətlərin geniş təhlili, əhali sayının və təbii artımın dinamikasının faktiki rəqəmlərə əsaslandırılması, təsərrüfatın müasir vəziyyəti və perspektiv inkişaf istiqamətlərinin araşdırılması əsərin elmi əhəmiyyətini daha da artırır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.