MƏDƏNİYYƏT


Qarabağ xalça xəritəsi

Bakı, 1 dekabr, AZƏRTAC

Qarabağın hər şəhərinin, hər kəndinin özünəməxsus xalça ənənələri var. Tarixən burada istehsal olunan xalçalar bütün dünyada əks-səda doğurub. Bu diyarın istedadlı sənətkarları əsrarəngiz xalçalar toxuyaraq ilmələrdə öz dünyagörüşünü, həyat fəlsəfəsini, bədii zövqünü əks etdirib.

AZƏRTAC xəbər verir ki, bunu nəzərə alaraq, İkinci Qarabağ müharibəsi günlərində Azərbaycan Milli Xalça Muzeyi “Qarabağ xalça xəritəsi”ni hazırlayaraq izləyicilərə təqdim edib.

Qeyd edək ki, bu xəritədə hər bir şəhərə, rayona aid xalça nümunələri ağ-qara rənglərdə təsvir olunub. Müqəddəs torpaqlarımız işğaldan azad olunduqca “Qarabağ xalça xəritəsi” də al-əlvan rənglərə boyanıb.

Bu gün isə nəhayət ki, səbirsizliklə gözlədiyimiz gün gəlib çatdı. Artıq “Qarabağ xalça xəritəsi”ni tam rənglənmiş şəkildə izləyicilərə təqdim edilir. Müzəffər Ali Baş Komandan İlham Əliyevin rəhbərliyi, rəşadətli ordumuzun qüdrəti sayəsində illərdir Qarabağ həsrəti çəkən insanlarımız öz yurdlarına qayıdacaqlar. Qız-gəlinlərimiz yenidən Azərbaycan xalqının ruhunu, hisslərini özündə əks etdirən əsrarəngiz, tayı-bərabəri olmayan biri-birindən nəfis xalçaları Qarabağda toxuyacaqlar.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.