CƏMİYYƏT


Qarabağ yaylaqlarında fəaliyyət göstərəcək arıçı-fermerlərə mina təhlükəsinə dair təlim keçirilib

Bakı, 13 may, AZƏRTAC

Azərbaycan Respublikasının Minatəmizləmə Agentliyi (ANAMA) tərəfindən Kənd Təsərrüfatı Nazirliyinin (KTN) müraciəti əsasında Göygöl Regional Mərkəzində arıçı-fermerlərə mina və partlayıcı sursatların təhlükəsinə dair maarifləndirmə təlimi keçirilib.

ANAMA-dan AZƏRTAC-a bildiriblər ki, təlimdə işğaldan azad olunmuş ərazilərdə fəaliyyət göstərəcək 1405 arıçı-fermer iştirak edib.

İştirakçılara şübhəli ərazilərdə xüsusi davranış və təhlükəsizlik qaydaları, rəsmi və qeyri-rəsmi xəbərdaredici mina nişanlarının göstəriciləri barədə məlumat verilib. Həmçinin təlim keçən şəxslərə əsas təhlükəsizlik qaydalarını əks etdirən təlimat kitabçası təqdim olunub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.