İDMAN


“Qarabağ”ın sabiq qapıçısı İngiltərə Premyer Liqasında oynaya bilər

Bakı, 12 oktyabr, AZƏRTAC

2019/2020-ci il mövsümündə icarə əsasında “Qarabağ”da çıxış edən Asmir Beqoviç İngiltərə Premyer Liqasında oynaya bilər.

AZƏRTAC xəbər verir ki, “Liverpul” klubu hazırda qapıçı axtarışındadır. “Bornmut” klubunda çıxış edən Asmir Beqoviç də İngiltərə təmsilçisinin qolkiper siyahısındadır.

Bosniya və herseqovinalı oyunçu 2017-ci ildə “Çelsi”dən “Bornmut” klubuna transfer olub. Klub mövsümün sonunda müqaviləsi başa çatan Beqoviçi qış transfer pəncərəsi dövründə sata bilməsə oyunçunun transferindən gəlir əldə edə bilməyəcək.

Qeyd edək ki, “Liverpul”un əsas qapıçısı Alisson Beker zədələnib. Premyer Liqanın son turunda “Aston Villa”ya 2:7 hesabı ilə məğlubiyyətdən sonra ehtiyat qapıçı Adriana inam azalıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.