“Qarabağın tarixi–mədəni irsi” mövzusunda respublika elmi konfransı keçiriləcək

Bakı, 19 yanvar, AZƏRTAC

Bu ilin noyabrında AMEA-nın Milli Azərbaycan Tarixi Muzeyinin təşkilatçılığı ilə “Qarabağın tarixi–mədəni irsi” mövzusunda respublika elmi konfransı keçiriləcək.

Bu barədə AZƏRTAC-a muzeydən məlumat verilib. Bildirilib ki, tədbir Azərbaycan Prezidenti İlham Əliyevin 2022-ci ilin ölkəmizdə “Şuşa İli” elan edilməsi haqqında Sərəncamına uyğun olaraq təşkil ediləcək.

Konfrans üçün məruzələr iyunun 1-dək [email protected] və [email protected] e-poçt ünvanlarına göndərilməlidir.

Tədbir Qarabağın maddi-mənəvi irsi və muzeylər, Qarabağ abidələri, Qarabağ muzeyləri, Qarabağın görkəmli ziyalıları, Qarabağ irsinin muzey kolleksiyalarında təbliği məsələləri, Qarabağda müasir dövrdə aparılan mədəni quruculuq işləri və digər mövzuları əhatə edəcək.