REGİONLAR


Qax Dövlət Kukla Teatrı Balakən rayonunda qastrol səfərindədir

Qax, 24 aprel, Mustafa Dadaşov, AZƏRTAC

Aprelin 23-də Qax Dövlət Kukla Teatrının Balakən rayonuna qastrol səfəri başlayıb. Üç gün davam edəcək qastrol müddətində yaradıcı kollektiv balakənli uşaqlara Kəmalə Ağazadənin “Göyçək Fatma” əsəri əsasında səhnələşdirilən eyniadlı tamaşanı təqdim edəcək.

Bu barədə AZƏRTAC-ın bölgə müxbirinə teatrın direktoru Nazim Mahmudov məlumat verib.

Rayon Mədəniyyət Mərkəzində təqdim olunan ilk tamaşa uşaqlar tərəfindən böyük maraqla qarşılanıb. Tamaşanın quruluşçu rejissoru və musiqi tərtibatçısı Əməkdar artist Yusif Abdurahmanov, rəssamı Mayis Abdullayevdir. Tamaşada rolları Afət Yaqubova, Araz Mehrablı, Nuru Mustafayev, Azər Kərimov, Aynurə Abbasova və başqaları ifa ediblər.

Qax teatrının gələn həftə bu tamaşa ilə Oğuz rayonuna da qastrol səfəri planlaşdırılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.