REGİONLAR


Qax Dövlət Kukla Teatrında yeni tamaşanın məşqlərinə başlanılıb

Qax, 18 yanvar, Mustafa Dadaşov, AZƏRTAC

Qax Dövlət Kukla Teatrında Rəhman Əlizadənin müəllifi olduğu “Tülkünün uçuşu” tamaşası üzərində məşqlərə başlanılıb. Teatrın 2022-ci ilin repertuar planına daxil edilən tamaşanın quruluşçu rejissoru Araz Mehrablı, rəssamı Mayis Abdullayev, musiqi tərtibatçısı Nicat Fətəliyevdir. Hazırda eskizlər üzərində müzakirələr və rol bölgüsü aparılır.

Bu barədə AZƏRTAC-ın bölgə müxbirinə teatrın baş rejissoru, Əməkdar artist Yusif Abdurahmanov məlumat verib.

Direktorun sözlərinə görə, teatrın cari il üçün repertuarına, həmçinin danimarkalı yazıçı Hans Xristian Andersenin “Çirkin ördək balası”, alman uşaq yazıçısı Otfrid Proyslerin “Balaca cadugər” nağıl-tamaşaları və Üzeyir Hacıbəylinin “O olmasın, bu olsun” əsəri daxil edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.