MƏDƏNİYYƏT


Qazaxda Xalq Yazıçısı İsa Muğannanın 90 illik yubileyi qeyd olunub

Bakı, 9 iyun, AZƏRTAC

Qazaxda Xalq Yazıçısı İsa Muğannanın anadan olmasının 90 illiyinə həsr olunmuş “Ustad ömrü” adlı tədbir keçirilib.

Mədəniyyət Nazirliyindən AZƏRTAC-a bildiriblər ki, şəhər tam orta və 2 saylı uşaq musiqi məktəblərinin şagirdlərinin, fəal oxucuların və mədəniyyət işçilərinin iştirak etdikləri tədbirdə Azərbaycan ədəbiyyatının görkəmli nümayəndəsi, Xalq Yazıçısı İsa Muğannanın həyat və yaradıcılığından söhbət açılıb.

Mərasimdə milli nəsrimizin fəxri, zəngin yaradıcılığında tarixi və müasir həyat həqiqətlərini dolğunluqla əks etdirən ustadın ömür yolu haqqında kino-xronika nümayiş olunub. İsa Muğannanın ssenari müəllifi olduğu əvəzolunmaz filmlər kino tariximizin müqəddəs mirası kimi qorunub saxlanılır.

Sonda iştirakçılar ədibin ssenari müəllifi olduğu “Tütək səsi” filmini böyük maraqla izləyiblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.