CƏMİYYƏT


Qazaxıstan Azərbaycanla miqrasiya sahəsində əməkdaşlığa dair qanun layihəsini təsdiqləyib

Nur-Sultan, 28 aprel, АZƏRTAC

Qazaxıstan parlamentinin aşağı palatası (Məclis) plenar iclasında “Qazaxıstan Respublikası Hökuməti ilə Azərbaycan Respublikası Hökuməti arasında miqrasiya sahəsində əməkdaşlıq haqqında Sazişin təsdiq edilməsi haqqında” qanun layihəsi təsdiqləyib.

AZƏRTAC xəbər verir ki, bunu Qazaxıstanın daxili işlər naziri Yerlan Turqumbayev bildirib.

O qeyd edib ki, bu sənəd iki ölkənin təcrübə, statistika və məlumat mübadiləsi aparmasına, qanunsuz miqrasiya problemlərinin həllinə və ikili vətəndaşlıqla mübarizəsinə imkan verəcək. Həmçinin Qazaxıstan və Azərbaycan vətəndaşlarının da hüquqi statusu müəyyənləşdiriləcək.

Turqumbayev hazırda Qazaxıstan ilə Azərbaycan arasında əməkdaşlığın qonşuluq, tərəfdaşlıq, qarşılıqlı faydalı əməkdaşlıq, aktual mövzularda mövqelərin yaxınlığı ruhunda inkişaf etdiyini də bildirib.

İlahə Əhmədova

AZƏRTAC-ın xüsusi müxbiri

Nur-Sultan 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.