DÜNYA


Qazaxıstan COVID-19 testi tələbini ləğv edib

Qazaxıstan COVID-19 testi tələbini ləğv edib

Nur-Sultan, 18 fevral, AZƏRTAC

Qazaxıstanda COVID-19-la bağlı karantin tədbirləri yüngülləşdirilib. Koronavirus infeksiyasının Yayılmasının Qarşısının alınması üzrə İdarələrarası Komissiya müəssisələr və əhali üçün məhdudlaşdırıcı tədbirlərin yumşaldılmasını təsdiqləyib.

AZƏRTAC xəbər verir ki, bu barədə Baş nazirin mətbuat xidməti məlumat yayıb.

Koronavirus infeksiyası əleyhinə peyvəndin tam kursu və ya revaksinasiyanı keçən, son yoluxma inyeksiya anından 6 ay müddətindən çox keçməyən Qazaxıstan vətəndaşları üçün ölkəyə daxil olarkən məcburi COVID-19 testi tələbi ləğv edilib. Peyvənd pasportlarının qarşılıqlı tanındığı dövlətlərin vətəndaşlarına COVID-19 testi olmadan Qazaxıstana giriş icazəsi verilir.

Bundan başqa, xəstəlik əlamətləri olmadıqda təmasda olanlar üçün evdə karantin şərti də ləğv edilir. Üzgüçülük hovuzları, oyun və gecə klubları, karaoke, sərgilər işini davam etdirə bilər. Marafon, idman, anım günləri, banket və digər ailə tədbirlərinin, konfransların, forumların, kollektiv ibadət mərasimlərinin və s. keçirilməsinə icazə verilir.

 

İlahə Əhmədova

AZƏRTAC-ın xüsusi müxbiri

Nur-Sultan

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.