DÜNYA


Qazaxıstan aprel ayında “OPEC+” öhdəliklərindən yayınıb

Nur-Sultan, 14 may, AZƏRTAC

Qazaxıstan Neft İxrac Edən Ölkələr Təşkilatına (OPEC) üzv və qeyri-üzv ölkələr (OPEC+) arasında imzalanan müqaviləyə əsasən öhdəliklərdən yayınıb.

AZƏRTAC xəbər verir ki, bu barədə Qazaxıstan Energetika Nazirliyi məlumat yayıb.

İlkin məlumatlara görə, aprel ayında Qazaxıstan 7 milyon ton neft və qaz kondensatı istehsal edib. Öhdəliklərdən kənarlaşma, gələcəkdə böyük layihələrdə aparılan əsaslı təmirlər nəzərə alınmaqla kompensasiya ediləcək.

Məlumata görə, Qazaxıstan “OPEC+” razılaşması çərçivəsində öhdəliklərə əməl etməyi planlaşdırır.

Nazirliyin məlumatında o da bildirilir ki, Qazaxıstanda aprel ayında gündəlik neft hasilatı 1,483 milyon barel təşkil edib.

Xatırladaq ki, Qazaxıstanda yanvar-aprel aylarında neft və kondensat hasilatı 28,1 milyon ton təşkil etmişdir.

İlahə Əhmədova

AZƏRTAC-ın xüsusi müxbiri

Nur-Sultan 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.